MMA döyüşçüsü Həbib Nurməhəmmədov UFC tarixində ilk rusiyalı dünya çempionu olub.
Oxu.Az RİA Novosti-yə istinadla xəbər verir ki, 29 yaşlı idmançı yüngül çəkidə UFC çempionu titulu uğrunda qarşılaşmanın 5-ci raundunda hakimlərin yekdil qərarı ilə amerikalı El Yakvint üzərində qələbə qazanıb.
Döyüş Nyu-York şəhərində baş tutub.
Bu, Nurməhəmmədovun karyerası ərzində qazandığı 26-cı qələbədir. Onun aktivində məğlubiyyət yoxdur. Yakvint üçün isə bu, 13 qələbə və 1 heç-heçə ilə yanaşı 4-cü məğlubiyyətdir.
