Premyer Liqa: “Sabah” “Araz-Naxçıvan”ı məğlub edib - YENİLƏNİB + VİDEO

Futbol üzrə Azərbaycan Premyer Liqasında XXXIII turun daha bir oyunu keçirilib.

Oxu.Az-ın məlumatına görə, günün ikinci matçında “Sabah” “Araz-Naxçıvan”la üz-üzə gəlib.

Qarşılaşma paytaxt təmsilçinin 1:0 hesablı qələbəsi ilə yekunlaşıb. Matçda yeganə qolu 2-ci dəqiqədə Ayaz Quliyev vurub.

Bu nəticənin ardından xallarının sayını 52-yə çatdıran Bakı klubu turnir cədvəlində üçüncü pilləyə yüksəlib. 35 xalı olan Elmar Baxşıyevin yetirmələri doqquzuncu pillədə qalıb. Qeyd edək ki, günün digər oyununda “Turan Tovuz” evdə “Zirə”yə 1:2 hesabı ilə uduzub.

18:38

Futbol üzrə Azərbaycan Premyer Liqasında XXXIII turun daha bir oyunu keçirilib.

Oxu.Az-ın məlumatına görə, günün ilk matçında “Zirə” “Turan Tovuz”un qonağı olub.

Qarşılaşma paytaxt klubunun qələbəsi ilə bitib – 2:1. “Qartallar”da 14-cü dəqiqədə Salifu Suma, 70-ci dəqiqədə Sezar Meza Kolli fərqlənib.

Meydan sahiblərində Fərid Nəbiyev 52-ci dəqiqədə adını tabloya yazdırıb. 90+8-ci dəqiqədə Roderik Miller birbaşa qırmızı vərəqə qalaraq “Turan Tovuz”u azlıqda qoyub.

Bu nəticədən sonra xallarının sayını 52-yə çatdıran “Zirə” ikinci pilləyə yüksəlib. Tovuz təmsilçisi 42 xalla yeddincidir.

Bu gün “Səbail” – “Qəbələ” görüşü də təşkil olunacaq.

Qeyd edək ki, ötən gün “Sumqayıt” “Kəpəz”lə heç-heçə edib – 1:0. “Qarabağ” isə “Neftçi”ni beş cavabsız qolla üstələyib. Tura mayın 6-da “Səbail” – “Qəbələ” oyunu ilə yekun vurulacaq.

09:45

Bu gün futbol üzrə Azərbaycan Premyer Liqasında XXXIII turun daha iki oyunu keçiriləcək.

Oxu.Az xəbər verir ki, günün ilk matçında “Turan Tovuz” “Zirə”ni qəbul edəcək.

Qarşılaşma saat 16:30-da start götürəcək. Meydan sahiblər 42 xalla yeddinci, paytaxt klubu 49 xalla dördüncü pillədə qərarlaşıb.

Günün ikinci görüşündə “Araz-Naxçıvan”la “Sabah” komandaları üz-üzə gələcəklər. Naxçıvan təmsilçisi 35 xalla doqquzuncu, qonaqlar 49 xalla beşinci sıradadır.

Azərbaycan Premyer Liqası

XXXIII tur

16:30. Turan Tovuz” - “Zirə”

Hakimlər: Elçin Məsiyev, Elşad Abdullayev, Pərvin Talıbov, Kamal Umudlu

Hakim-inspektor: Babək Quliyev

AFFA nümayəndəsi: Mübariz Hüseynov

Tovuz şəhər stadionu

19:00. “Araz-Naxçıvan” - ” Sabah”

Hakimlər: Əliyar Ağayev, Akif Əmirəli, Rahil Ramazanov, Rəşad Əhmədov

Hakim-inspektor: Munis Abdullayev

AFFA nümayəndəsi: Bəhram Qurbanov

“Liv Bona Dea Arena”

Qeyd edək ki, ötən gün “Sumqayıt” “Kəpəz”lə heç-heçə edib - 1:0. “Qarabağ” isə “Neftçi”ni beş cavabsız qolla üstələyib. Tura mayın 6-da “Səbail” - “Qəbələ” oyunu ilə yekun vurulacaq.