"Qalatasaray" Yunus Akgünün komandada qalması üçün maaşını artıracaq

Türkiyənin "Qalatasaray" klubu Yunus Akgünün maaşını 2.7 milyon avroya yüksəltmək qərarına gəlib.

Oxu.Az "SporX"ə istinadən xəbər verir ki, "Nyukasl Yunayted", "Aston Villa" və "Benfika"nın maraqlandığı futbolçunun maaş artımı təklifini qəbul edib etməyəcəyi isə sual altındadır.

Yunus Akgünü transfer etmək istəyən Avropa klubları futbolçu üçün "Qalatasaray"a minimum 12 milyon avro ödəniş etməli olacaqlar.

Qeyd edək ki, Yunus Akgün bu mövsüm çıxdığı 40 oyunda 12 qol, 10 məhsuldar ötürmə ilə yadda qalıb.