“Qarabağ” əzmkar mübarizədə “Bayer”ə məğlub oldu - YENİLƏNİB + VİDEO

“Qarabağ” UEFA Avropa Liqasının 1/8 final mərhələsində cavab oyununa çıxıb.

Oxu.Az xəbər verir ki, Azərbaycan çempionu Almaniyada “Bayer”in qonağı olub.

“BayArena” stadionunda oynanılan görüş Leverkuzen təmsilçisinin 3:2 hesablı qələbəsi ilə yekunlaşıb.

Ağdam təmsilçisinin heyətində hesabı 58-ci dəqiqədə Abdullah Zubir açıb. “Köhlən atlar” 62-ci dəqiqədə meydanda azlıqda qalıblar. Elvin Cəfərquliyev birbaşa qırmızı vərəqə alaraq meydandan qovulub. 67-ci dəqiqədə Olavio Juninyo rəqibi növbəti dəfə cəzalandırıb. Meydan sahiblərindən Ceremi Frimponq 72-ci dəqiqədə fərqi minimuma endirib. Matçın yekun nəticəsini isə 90+3 və 90+7-ci dəqiqələrdə dubla imza atan Patrik Şik müəyyənləşdirib.

Səfərdəki ilk matçda Ağdam klubu ilə 2:2 hesablı heç-heçə edən “Bayer” iki görüşün nəticəsinə əsasən 1/4 finala vəsiqə qazanıb. “Qarabağ” isə Avropa Liqasında mübarizəni dayandırıb.

“Qarabağ” əzmkar mübarizədə “Bayer”ə məğlub oldu - YENİLƏNİB + VİDEO

01:55

“Bayer 04” Almaniyada “Qarabağ”a qarşı keçirdiyi UEFA Avropa Liqasının 1/8 final mərhələsinin cavab oyununda hesabda irəli çıxıb.

Ev sahibləri 90+7-ci dəqiqədə Patrik Şikin qolu ilə hesabda irəli çıxıblar - 3:2.

01:51

“Bayer 04” Almaniyada “Qarabağ”a qarşı keçirdiyi UEFA Avropa Liqasının 1/8 final mərhələsinin cavab oyununda hesabı bərabərləşdirib.

“Bayer 04”ün heyətində Patrik Şik 90+3-cü dəqiqədə bərabərlik qolunu vurub - 2:2.

01:28

“Bayer 04” Almaniyada “Qarabağ”a qarşı keçirdiyi UEFA Avropa Liqasının 1/8 final mərhələsinin cavab oyununda hesab fərqini azaldıb.

72-ci dəqiqədə meydan sahiblərində Ceremi Frimponq fərqlənib - 1:2.

01:24

Almaniyada “Bayer 04” və “Qarabağ” komandaları arasında keçirilən UEFA Avropa Liqasının 1/8 final mərhələsinin cavab oyununda “Qarabağ” komandası hesab fərqini artırdı.

Oyunun 67-ci dəqiqəsində Juninyo hesab fərqini iki qola çatdlırıb - 0:2. 

01:19

“Qarabağ” Almaniyada “Bayer 04”ə qarşı keçirdiyi UEFA Avropa Liqasının 1/8 final mərhələsinin cavab oyununda azlıqda qalıb.

Elvin Cəfərquliyev 62-ci dəqiqədə birbaşa qırmızı vərəqə alaraq meydandan qovulub.

01:14

Almaniyada “Bayer 04” və “Qarabağ” komandaları arasında keçirilən UEFA Avropa Liqasının 1/8 final mərhələsinin cavab oyununda “Qarabağ” komandası hesabı açıb.

Oyunun 58-ci dəqiqəsində Zubir fərqlənib - 0:1. 

01:03

Almaniyada “Bayer 04” və “Qarabağ” komandaları arasında keçirilən UEFA Avropa Liqasının 1/8 final mərhələsinin cavab oyununda ikinci hissə başlayıb.

Qolsuz bərabərlik davam edir.

00:47

Almaniyada “Bayer 04” və “Qarabağ” komandaları arasında keçirilən UEFA Avropa Liqasının 1/8 final mərhələsinin cavab oyununda ilk hissə başa çatıb.

Komandalar fasiləyə qolsuz bərabərliklə yollanıblar.

14.03.2024, 23:59

UEFA Avropa Liqasının 1/8 final mərhələsinin cavab oyunu çərçivəsində “Bayer 04” - “Qarabağ” oyunu başlayıb.

Qarşılaşma Leverkuzen şəhərindəki “BayArena” stadionunda keçirilir.

Xatırladaq ki, ilk matçda heç-heçə qeydə alınmışdı - 2:2.

09:32

Almaniyada UEFA Avropa Liqasının 1/8 final mərhələsinin cavab oyununda üz-üzə gələcək “Bayer 04” və “Qarabağ”ın start heyətləri bəlli olub.

Oxu.Az-ın məlumatına görə, komandalar meydana aşağıdakı “11-lik”lərlə çıxacaqlar.

“Bayer 04”: Matey Kovar, Pyero İncape, Odilon Kossunu, Yonas Hofmann, Robert Endrix, Borxa İqlesias, Florian Virts, Edmond Tapsoba, Amin Adli, Ceremi Frimponq, Qranit Caka

“Qarabağ”: Andrey Lunyov, Elvin Cəfərquliyev, Bədavi Hüseynov, Julio Romao, Yassin Benzia, Marko Yankoviç, Abdullah Zubir, Bəhlul Mustafazadə, Leandro Andrade, Marko Veşoviç, Juninyo

Qeyd edək ki, Leverkuzen şəhərindəki “BayArena”dakı qarşılaşma Bakı vaxtı ilə saat 00:00-da başlanacaq. İlk matçda heç-heçə qeydə alınıb - 2:2.

09:32

“Qarabağ” bu gün UEFA Avropa Liqasının 1/8 final mərhələsində cavab oyununa çıxacaq.

Oxu.Az-ın məlumatına görə, Azərbaycan çempionu Almaniyada “Bayer 04” komandası ilə üz-üzə gələcək.

“BayArena”dakı qarşılaşma Bakı vaxtı ilə saat 00:00-da başlayacaq. Görüşü ingiltərəli FIFA referisi Entoni Teylor idarə edəcək.

UEFA Avropa Liqası

1/8 final mərhələsi, cavab oyunu

15 mart

00:00. “Bayer 04” (Almaniya) - “Qarabağ” (Azərbaycan)

Baş hakim: Entoni Teylor.

Leverkuzen, “BayArena”.

İlk oyun - 2:2.