“Qarabağ” futbolçuları Londona çatıblar.
Oxu.Az xəbər verir ki, görüntülər klubun sosial şəbəkələrdəki səhifələrində paylaşılıb.
Qeyd edək ki, sabah Bakı vaxtı ilə saat 22:45-də İngiltərə paytaxtında “Çelsi” ilə “Qarabağ” arasında Çempionlar Liqasının qrup mərhələsinin oyunu başlayacaq.
Ağdam təmsilçiləri Londona çarter reysi ilə gediblər. Əsas komanda ilə yanaşı, bura “Qarabağ”ın U-19 komandası da gedib. Sabah saat 16:05-də yeniyetmələr “Çelsi” ilə qarşılaşmalıdır.
Əsas heyətlərin oyununu yunanıstanlı hakimlər briqadası idarə edəcək. Baş hakim Anastasios Siridopulos olacaq.
A.M.
