İngiltərənin "Mançester Siti" klubu "Barselona"nın oyunçusu Rafinya Diasa ciddi maraq göstərir.
Oxu.Az bu barədə İspaniyanın "El Nacional" nəşrinə istinadən məlumat verir.
Bildirilir ki, "şəhərlilər"in baş məşqçisi Xosep Qvardiola cari mövsümdə hücumçulardan Kevin De Bruyne, Bernardu Silva və Fil Fodenin çıxışlarından narazıdır.
Qeyd edək ki, ispaniyalı mütəxəssis Rafinyanı hələ "Barselona"ya keçməzdən əvvəl əldə etmək üçün cəhdlər edib və indi braziliyalı üçün yenidən mübarizəyə girmək istəyir. Lakin 28 yaşlı futbolçu dəfələrlə Kataloniya klubunda çıxış etməkdən xoşbəxt olduğunu bildirib.
Rafinya bu mövsümdə klub səviyyəsində 45 matçda 28 qol vurub və 22 məhsuldar ötürmə edib.
