Türkiyənin "Ankaragücü" klubundan ayrılaraq Polşanın "Radomyak" klubuna keçən Renat Dadaşov yeni komandasının ən bahalı futbolçusu olub.
Oxu.Az "Transfermarkt"a istinadən xəbər verir ki, 25 yaşlı hücumçunun transferi Polşa klubuna 1.6 milyon avroya başa gəlib.
Millimizin forvardı Ekstraklasa klubunun ən bahalı oyunçuları arasında birinci pillədədir.
Qeyd edək ki, "Radomyak"ın ümumi bazar dəyəri 11.1 milyon avrodur. Klubda Dadaşovdan başqa bir milyon avro dəyərində oyunçu yoxdur.
