"Sabah" yaxşı formada olan "Neftçi"yə uduzub".
Oxu.Az "Report"a istinadən xəbər verir ki, bunu "Sabah"ın baş məşqçisi Valdas Dambrauskas "Neftçi"yə qarşı Misli Premyer Liqasının 33-cü turunun oyunundan sonra mətbuat konfransında deyib.
Mütəxəssis məğlub olduqları qarşılaşmanı şərh edib: "Biz Azərbaycan Kubokunun qalibi olduqdan sonra bunu qeyd etdik, sevindik. Həmin matçdan sonra bu görüşə köklənmək bir qədər çətin idi. "Neftçi" ilə qarşılaşmada az forma şansı görən oyunçulara şans verdik. Baxmayaraq ki, məğlub olduq. Bu gün ölkə çempionluğumuzu qeyd etmək və bunun sevincini yaşamaq istəyirik. Bu gün çox yaxşı formada olan "Neftçi"yə uduzduq".
Qeyd edək ki, "Sabah" - "Neftçi" oyunu "ağ-qaralar"ın 1:2 hesablı qələbəsi ilə bitib.
Qaynar xətt:
(055) 224 12 12
