UEFA Millətlər Liqası: Fransa yığması İtaliya sınağından məğlub çıxdı

Fransa və İtaliya millilərinin qarşılaşdığı UEFA Millətlər Liqasının A Liqasının 2-ci qrupunun 1-ci turunun oyunu başa çatıb.

Oxu.Az xəbər verir ki, oyun Parisdəki "Park de Prens" stadionunda baş tutub. Görüşün baş hakimi qismində Sandro Şerer (İsveçrə) çıxış edib. Matç 1:3 hesabı ilə İtaliya yığmasının xeyrinə başa çatıb.

İlk dəqiqədə fransalı hücumçu Bredli Barkola hesabı açıb. 30-cu dəqiqədə İtaliyanın müdafiəçisi Federiko Dimarko qapının sağ küncünə dəqiq zərbə endirib. Daha sonra 51-ci dəqiqədə Davide Frattezi fərqlənib. Cakomo Raspadori isə 74-cü dəqiqədə qol vuraraq italyanların qələbəsini rəsmiləşdirib.

Qeyd edək ki, UEFA Millətlər Liqasının keçənilki qalibi İspaniya millisidir.