Yannik Sinner final matçında Karlos Alkarasa məğlub oldu

Romada "Masters" seriyalı turnirə yekun vurulub. Torpaq kortlarda mövsümün son "Masters" (ATP-1000) turnirinin finalında Yannik Sinnerlə Karlos Alkaras qarşılaşıb.

Oxu.Az xəbər verir ki, ilk setdə tərəflər breyk edə bilmədiyindən qalib tay-breykdə məlum olub. Alkaras burada italyan tennisçidən daha bəxtli olub - 7:6 (7:4).

İkinci setdə isə ispan tennisçi rəqibini darmadağın edib. İlk 5 qeymi qazanan Karlitos seti də qələbə ilə başa vurub - 6:1.

Beləliklə də, Sinnerin 228 günlük və 26 oyunluq qələbə seriyası bitib. Maraqlıdır ki, tennisçilərin son 4 qarşılaşmasının hamısında ispan idmançı qalib olub.