"Karvan-Yevlax"la oyunda zədə alan "Sabah"ın futbolçusu Coy-Lens Mikels tam tibbi müayinədən keçib.
Bu barədə Oxu.Az-a klubun Mətbuat Xidmətindən məlumat verilib.
Bildirilib ki, müayinənin nəticələrinə əsasən, futbolçunun daxili orqanlarında hər hansı ciddi zədə və ya daxili qanaxma halı aşkarlanmayıb.
Həkimlərin rəyinə əsasən, futbolçuya qabırğa əzilməsi diaqnozu qoyulub. Mikelsin bərpa müddəti növbəti günlərdə müəyyən ediləcək.
Dünən Misli Premyer Liqasının VII turunda keçirilən "Karvan-Yevlax" - "Sabah" görüşündə zədələnən Coy-Lens Mikelsin vəziyyəti açıqlanıb.
Bu barədə Oxu.Az-a klubdan məlumat verilib.
Bildirilib ki, futbolçu özünü yaxşı hiss edir, amma bu gün keçiriləcək maqnit rezonans tomoqrafiyası (MRT) müayinəsindən sonra həkimlər dəqiq diaqnoz qoyacaqlar.
Qeyd edək ki, "Sabah"ın 2:0 hesablı qələbəsi ilə başa çatan oyunun 92-ci dəqiqəsində Coy-Lens Mikels "Karvan-Yevlax"ın qapıçısı Kamran İbahimovla toqquşma zamanı ağır zədə almışdı. İlkin məlumatlarda onun bel sümüyünün sındığı bildirilirdi.
Murad Nəsimi
