"Microsoft" istifadəçilərinə qulaq asdı: "Windows 11"də çoxdan gözlənilən funksiya

"Microsoft" korporasiyası "Başlat" menyusunun yeni dizaynını test etməyə başlayıb.

Oxu.Az-ın məlumatına görə, bu barədə "phantomofearth" ləqəbli istifadəçi "X" sosial şəbəkəsindəki səhifəsində məlumat verib.

İstifadəçinin məlumatına görə, "Windows 11"in beta versiyası "Başlat" menyusunun yeni versiyası ilə təchiz edilib. Əsas yenilik sistem tərəfindən təklif olunan tətbiqləri və faylları ehtiva edən "Tövsiyə edilənlər" bölməsini tamamilə söndürmək imkanıdır.

Artıq istifadəçilər menyuda yalnız sabitlənmiş proqram qısayollarını saxlaya biləcəklər, bu isə interfeysi daha minimalist və rahat edəcək.