Ən son xəbərləri bizim "Instagram" səhifəmizdə izləyin

Narın yaşlı insanlar üçün faydaları nələrdir?
Nar ekstraktı 55 yaşdan yuxarı insanlarda qan təzyiqini və orqanizmdə iltihabı azaldır, ürək-damar xəstəliklərindən qoruyur.
Oxu.Az-ın "Gazeta.ru"ya istinadən xəbərinə görə, İngiltərənin Mançester Universitetinin alimləri bu qənaətə gəliblər.
Araşdırmanın nəticələri "Nutrients" jurnalında dərc olunub.
Araşdırmada 55-70 yaşlarında 86 nəfər iştirak edib. Könüllülərin artıq çəkisi və xroniki xəstəlikləri olmayıb. Sınaqda iştirak edənlərin orta sistolik arterial (qan) təzyiqi 128 mmHg olub. Alimlər bu dəyərləri yüksək, lakin hipertonik diapazona çatmayan dəyərlər kimi xarakterizə edilər.
Birinci mərhələdə sınaqda iştirak edənlər laboratoriya analizi üçün qan nümunələri təqdim ediblər. Onlardan bəzilərinin orqanizmində iltihab molekullarının (interleykinlər), triqliseridlərin və xolesterinin səviyyəsinin yüksək olduğu aşkar edilib ki, bunlar ürək xəstəlikləri üçün məlum risk faktorlarıdır.
Bundan sonra iştirakçılar 12 həftə ərzində nar ekstraktı və ya nar ekstraktı ilə eyni görünüşə və dada malik olan plasebo qəbul etmələri üçün iki qrupa bölünüblər.
Təkrar yoxlamalar göstərib ki, nar ekstraktı qan təzyiqini effektiv şəkildə normallaşdırıb.
Birinci qrupda orta hesabla sistolik arterial (qan) təzyiq 5,2 mmHg azalıb. Diastolik arterial təzyiq təxminən 3 mmHg azalıb, baxmayaraq ki, bu dəyişiklik statistik əhəmiyyətli deyildi. Alimlərin sözlərinə görə, bu təsirə nardakı güclü təbii antioksidant maddələr olan polifenollar səbəb olub.
Həmçinin birinci qrupdan olan iştirakçıların qanında iltihablı interleykinlərin (IL-6 və IL1-β) sayında azalma müşahidə olunub ki, bu da ürək-damar xəstəliklərinin inkişaf riskini daha da azaldıb.
"Ürək-damar xəstəlikləri" teqi üzrə xəbərlər
- Kalsiumun ürək-damar sistemi üçün təhlükələri nələrdir? - Rusiyalı həkim danışdı
- Süni intellekt qəfil ürək dayanmasını iki həftə əvvəl proqnozlaşdıracaq
- Xolesterin səviyyəsini normallaşdırmağa kömək edəcək qəlyanaltı: Alimlərdən AÇIQLAMA
- Qəfil arıqlamaq hansı insanlar üçün təhlükəlidir?
- Qırmızı ətdən həddindən artıq istifadə ürəyə ziyandır: Həftədə nə qədər yemək lazımdır?