Naxçıvanda dövlət qurumunda yoxlama aparılır

Naxçıvan Dövlət Nəqliyyat Xidmətində yoxlamalara başlanıb.

Oxu.Az APA-ya istinadən xəbər verir ki, Azərbaycan Respublikası Hesablama Palatası tərəfindən Naxçıvan Muxtar Respublikası Rəqəmsal İnkişaf və Nəqliyyat Nazirliyinin tabeliyində fəaliyyət göstərən "Naxçıvan Dövlət Nəqliyyat Xidməti" publik hüquqi şəxsində yoxlamalar həyata keçirilir.

Naxçıvan Muxtar Respublikası Rəqəmsal İnkişaf və Nəqliyyat Nazirliyindən bildirilib ki, "Naxçıvan Dövlət Nəqliyyat Xidməti" PHŞ-in fəaliyyət dövrü üzrə iş planına uyğun olaraq, aidiyyəti dövlət orqanı tərəfindən kənar dövlət maliyyə nəzarəti tədbiri təşkil edilib.