Bakıda hotelə bomba qoyulması barədə yalan məlumat verən şəxsə HÖKM OXUNDU

Terrorçuluq barədə bilə-bilə yalan məlumat verməkdə təqsirləndirilən Cəmaləddin Cəfərovun cinayət işi üzrə məhkəmənin yekun iclası keçirilib.

Oxu.Az-ın məlumatina görə, Bakı Ağır Cinayətlər Məhkəməsində hakim Səbuhi Hüseynovun sədrliyi ilə keçirilən prosesdə təqsirləndirilənə hökm oxunaraq 5 il azadlıqdan məhrum edilib.

İttihamda qeyd olunub ki, Cəmaləddin Cəfərov 29 yanvar 2025-ci ildə taksofonla Daxili İşlər Nazirliyinin "102" telefon qaynar xəttinə zəng edərək metronun "Sahil" stansiyası yaxınlığında olan hotelə partlayıcı maddə qoyulması barədə yalan məlumat verib.

Qeyd edək ki, Cəmaləddin Cəfərov Cinayət Məcəlləsinin 216-cı (Terrorçuluq barədə bilə-bilə yalan məlumat vermə) maddəsi ilə ittiham olunur.

Elgün Həsənli