Tanınmış "qanuni oğru" azadlığa çıxdı – YENİLƏNİB

“Lotu Quli” ləqəbli Nadir Səlifov bu gün Qaradağ rayon məhkəməsindən buraxılıb.

Oxu.Az Qafqazinfo-ya istinadən xəbər verir ki, özü və vəkilləri onun cəzasının çox hissəsini çəkdiyi üçün vaxtından əvvəl azad olunması ilə bağlı məhkəməyə müraciət ediblər. 

Məhkəmə Qulinin vəsatətini təmin edib və o, cəzasının qalan qismini çəkməkdən azad edilib. Azadlığa buraxılan "Lotu Quli" dərhal ölkəni tərk edib.

Onun Türkiyə və ya Gürcüstana getməsi barədə məlumatlar var.

***

16:22

Uzun müddətdir həbsdə yatan kriminal avtoritet, "qanuni oğru" Nadir Səlifov ("Lotu Quli") azadlığa buraxılıb. 

Oxu.Az xəbər verir ki, bu barədə Musavat.com-a N.Səlifova yaxın olan mənbə xəbər verib.

Qeyd edək ki, Quli 90-cı illərin əvvəllərində xüsusilə ağır cinayət törətdiyinə görə bir neçə maddə ilə ittiham olunub.

E.Ə.
www.oxu.az