Ən son xəbərləri bizim "Instagram" səhifəmizdə izləyin

“CinemaPlus" kinoteatrında “Təhmin və Zaur" filminin premyerası baş tutub
Premium kinoteatr “CinemaPlus Gənclik Mall”da, 19 oktyabr saat 19:00-da "Cinemazadeh" studiyasının istehsalı olan "Təhmin və Zaur" filminin premyerası baş tutub.
Tədbirdə şou-biznes nümayəndələri, məşhur aktyorlar, rejissorlar, televiziya aparıcıları, media-şəxslər, çoxsaylı KİV nümayəndələri iştirak ediblər.
Premyera öncəsi filmin yaradıcı kollektivi çoxsaylı qonaqların və jurnalistlərin əhatəsində qırmızı xalça üzərindən keçiblər. Daha sonra tədbirin səhnəsində çıxış edən filmin rejissoru Zaur Mirzəzadə bütün yaradıcı kolllektivə minnətdarlığını bildirib. "CinemPlus" kinoteatrlar şəbəkəsinin baş direktoru Zaur Darabzadə, "CinemPlus" kinoteatrlar şəbəkəsinin baş direktor müavini və "Cinemazadeh" studiyasının baş direktoru Cəfər Axundzadə qonaqları salamlayıblar.
Bildirilib ki, oktyabrın 19-dan etibarən tamaşaçıların ixtiyarına veriləcək ekran işi Bakı kinoteatrları ilə yanaşı, Gəncə və Naxçıvan kinoteatrlarında da yayımlanacaq.
Komediya janrında olan ekran işinin rejissoru Zaur Mirzəzadədir. Filmdə baş rolları Elcan Rəsulov, Fərda Xudaverdiyev və Kəmalə Piriyeva canlandırır.
Film haqqında qısa məlumat: Tənha qadınları aldadaraq dələduzluqla məşğul olan cavan oğlanın həyatında bir mələk peyda olur və ona yeddi gün ərzində evlənməyəcəyi təqdirdə öləcəyini deyir. Sağ qalmaq üçün hər yola əl atmağa hazır olan qəhrəmanımızın başına gözlənilməz və gülməli hadisələr gəlir.
“CinemaPlus” kinoteatrlar şəbəkəsi hər zaman sizlərə xoş sürprizlər etmək və kino tarixində olan ən yaxşı premyeralarla sevindirməyə hazırdır.

"Bakı" teqi üzrə xəbərlər
- Bakıda çoxmərtəbəli binanın damında qanunsuz tikinti işləri DAYANDIRILDI
- Evdən qaçdıqları deyilən qızlarla bağlı yeni məlumat: Üçüncüsü də TAPILDI
- Tokayev: "Bakı və İrəvan arasında sülh sazişi layihəsi danışıqlarının başa çatmasını alqışlayırıq"
- "Red Wings" aviaşirkəti Moskva və Bakı arasında müntəzəm uçuşları bərpa edir
- Bakıda zəcirvari qəza baş verdi: Bir maşın AŞDI