Azərbaycan xarici işlər naziri Ceyhun Bayramov İslam Əməkdaşlıq Təşkilatının (İƏT) koordinasiya iclasında çıxış edib.
Oxu.Az xəbər verir ki, bu barədə Azərbaycanın Xarici İşlər Nazirliyinin (XİN) "X" sosial şəbəkə hesabında paylaşım edilib.
Bildirilib ki, nazir İƏT-in yeni baş katibini təbrik edib, artan islamofobiyaya qarşı həmrəyliyin vacibliyini vurğulayıb və Azərbaycanın Fələstinin dövlətçiliyinə verdiyi dəstəyi bir daha təsdiqləyib.
O, artan regional hərbi münaqişələrdən dərin narahatlığını ifadə edərək diplomatik səylərin intensivləşdirilməsinə və qlobal miqyasda müsəlman icmalarını hədəf alan ayrı-seçkilik və zorakılıqla mübarizə üçün İƏT-in birgə fəaliyyətinə çağırış edib.
Nazir 2027-ci ildə Azərbaycanda keçiriləcək İƏT sammiti üçün görülən təşkilati-hüquqi hazırlıqlar barədə məlumat verib.
Foreign Minister @Bayramov_Jeyhun addressed the @OIC_OCI Coordination Meeting. The Minister congratulated Ismail Ould Cheikh Ahmed on the assumption of his duties as the new Secretary-General of the OIC, emphasized solidarity against rising Islamophobia, and reaffirmed Azerbaijan’s support for Palestine’s statehood. He voiced deep concern over rising regional military conflicts, calling for intensified diplomatic efforts and united OIC action to combat discrimination and violence targeting Muslim communities globally. Minister Bayramov outlined institutional preparations for OIC Summit in 2027 in Azerbaijan. #Azerbaijan #OIC #UNGA81
— MFA Azerbaijan 🇦🇿 (@AzerbaijanMFA) September 25, 2026
