Ən son xəbərləri bizim "Instagram" səhifəmizdə izləyin

COP29 çərçivəsində Azərbaycana gələn xarici jurnalistlər nadir eksponatlarla tanış olublar
COP29 çərçivəsində Azərbaycanda olan xarici jurnalistlər noyabrın 15-də Bakıda tarixi, mədəni və nadir eksponatlarla tanış olublar.
Oxu.Az xəbər verir ki, Medianın İnkişafı Agentliyi və COP29 Əməliyyat Şirkətinin birgə təşkilatçılığı ilə xarici media nümayəndələri ilk olaraq Milli Azərbaycan Tarixi Muzeyini ziyarət ediblər.
Xarici jurnalistlər muzeyin ekspozisiyası, müxtəlif arxeoloji, etnoqrafik materiallar və eksponatlarla yaxından tanış olublar.
Daha sonra Heydər Əliyev Mərkəzində olan xarici media nümayəndələrinə Mərkəzin fəaliyyəti haqqında ətraflı məlumat verilib. "Azərbaycan inciləri" sərgisi ilə də tanış olan qonaqlara burada Azərbaycanın təbii sərvətləri, çoxəsrlik tarixi, mədəni irsi ilə bağlı nadir eksponatların nümayiş etdirildiyi bildirilib.
Sonda XII əsrə aid divarlarla əhatə olunmuş, Şərq memarlığı və tarixi ilə zəngin, UNESCO-nun Ümumdünya İrs Siyahısına daxil edilmiş İçərişəhər ziyarət olunub.
Burada jurnalistlərə qeyri-adi memarlıq özəllikləri ilə seçilən Qız qalası və Bakının tarixi tikililəri arasında mühüm yer tutan Şirvanşahlar Sarayı Kompleksi də daxil olmaqla İçərişəhərin qədim küçələri və abidələri barədə geniş məlumat verilib.
"COP29" teqi üzrə xəbərlər
- Təxribat və inqilabların himayədarı - İç üzü açılan USAID hər yerdən qovulur
- İordaniya şahzadəsi: "COP29 mühüm dönüş nöqtəsi oldu"
- "Azmade Group" 2024-cü ilə yekun vurdu: "Bizə uğur yaraşır!"
- Güclü iqtisadiyyat, etibarlı tərəfdaşlıq, qarşılıqlı etimad: Əməli ilə sözü bir olan Azərbaycan
- İlham Əliyev: "Qlobal Cənub dünyanın ən zəngin ölkələrindən daha çox dəstək gözləyir"