General Rezai: "Düşmənin İran və Azərbaycan dostluğunu məhv etməsinə icazə verməyəcəyik"

"İran və Azərbaycan sərhədləri həmişə sülh və dostluq sərhədləri olub".

"Azad İran" "Telegram" kanalının məlumatına görə, bu barədə iranlı general Qasem Rezai İranla Azərbaycan arasındakı Astara quru sərhədinə səfəri zamanı jurnalistlərə bəyan edib.

O bildirib ki, düşmənə bu dostluq və yaxınlığı məhv etməsinə imkan verilməyəcək.

Generalın sözlərinə görə, İranın qonşu Azərbaycanla dil və mədəniyyət də daxil olmaqla bir sıra ortaq cəhətləri var.

"İki qonşu ölkə - İran və Azərbaycan arasındakı sərhədlər boyu bir-biri ilə çoxsaylı iqtisadi, sosial və mədəni qarşılıqlı əlaqələr də mövcuddur", - deyə o əlavə edib.