Azərbaycanda akkreditə olunmuş diplomatlar və hərbi attaşelər qrupu Ağdamdan Bakıya sürət qatarı ilə qayıdır.
Oxu.Az "Report"a istinadən xəbər verir ki, diplomatlar yol boyu Qarabağın nəqliyyat infrastrukturunun bərpası ilə tanış ola biləcəklər.
Beləliklə, diplomatlar Azərbaycanın Qarabağ və Şərqi Zəngəzur regionuna iki günlük səfərlərini başa vururlar.
Azərbaycanda akkreditə olunmuş diplomatlar Ağdamdan Bakıya sürət qatarı ilə qayıdırlar pic.twitter.com/uVGpRebqa1
— Oxu.Az (@oxuaz) June 21, 2025
Daha çox foto burada PhotoStock.az
Azərbaycanda akkreditə olunmuş diplomatlar və hərbi attaşelərdən ibarət nümayəndə heyəti Ağdam Sənaye Parkını ziyarət edib.
Oxu.Az Report-a istinadən xəbər verir ki, qonaqlar bərpa olunmuş şəhərin istehsal potensialı ilə tanış olublar.
Nümayəndə heyətinə sənaye obyektlərinin iş prosesi təqdim edilib, həmçinin Ağdamda istehsal olunan məhsul nümunələri nümayiş etdirilib.
Daha çox foto burada PhotoStock.az
Azərbaycanda akkreditə olunmuş xarici diplomatlar və hərbi attaşelərdən ibarət qrup "İmarət" Saray Kompleksində olub.
Oxu.Az "Report"a istinadən xəbər verir ki, diplomatlar Qarabağ mədəniyyətinin elementləri, xüsusilə qədim Ağdam şəhəri ilə tanış olublar.
Qonaqlar həmçinin şəhərdə aparılan bərpa işlərinin miqyasını qiymətləndirə biliblər.
Ağdamdakı "İmarət" Saray Kompleksi bərpadan sonra 19 sentyabr 2024-cü ildə açılıb. 2023-cü ildə kompleksdə yerli və xarici mütəxəssislərin iştirakı ilə bərpa işləri və arxeoloji tədqiqatlar başlanılıb. 3.3 hektar ərazini əhatə edən kompleks mərasimlərin keçirilməsi üçün nəzərdə tutulmuş tikililərdən, türbələrdən, tarixi qəbiristanlıqdan, Qarabağ atlarının təqdimatı üçün at kompleksindən və ziyarətçilər üçün mərkəzdən ibarətdir.
🇦🇿 Xarici diplomatlar Ağdamda "İmarət" Saray Kompleksində olublar#Ağdam pic.twitter.com/KhQ6DFFpq3
— Oxu.Az (@oxuaz) June 21, 2025
Daha çox foto burada: PhotoStock.az
Azərbaycanda akkreditə olunmuş xarici diplomatlar və hərbi attaşelərdən ibarət nümayəndə heyəti Ağdamda Muğam mərkəzini ziyarət ediblər.
Oxu.Az "Report"a istinadən xəbər verir ki, qonaqlar Azərbaycanın mədəni irsi olan muğamla tanış olmaq imkanı əldə ediblər.
Nümayəndə heyətinə həmçinin müxtəlif konsertlərin keçiriləcəyi mərkəz haqqında məlumat verilib.
Daha çox foto burada: PhotoStock.az
Azərbaycanda akkreditə olunmuş xarici diplomatlar və hərbi attaşelərdən ibarət nümayəndə heyəti Ağdama gedib.
Oxu.Az "Report"a istinadən xəbər verir ki, qonaqlar Ermənistanın işğal illəri ərzində törətdiyi dağıntıları görə biləcəklər.
Həmçinin, nümayəndə heyəti şəhərdə aparılan bərpa və yenidənqurma işləri ilə tanış olacaq.
Azərbaycanda akkreditə olunmuş xarici diplomatlar və hərbi attaşelərdən ibarət qrup Şuşada Şirin su hamamına baş çəkiblər.
Oxu.Az xəbər verir ki, bu hamam 2024-cü ilin may ayında bərpa edilib.
🔈 Xarici diplomatlar "Şirin su" hamamında pic.twitter.com/8mfUi4ljtw
— Oxu.Az (@oxuaz) June 21, 2025
Azərbaycanda akkreditə olunmuş xarici diplomatlar və hərbi attaşelərdən ibarət qrup Şuşada Cıdır düzündə olub.
Oxu.Az "Report"a istinadən xəbər verir ki, onlar Şuşa şəhərinin təbiət mənzərələrinin gözəlliyini öz gözləri ilə görüblər.
Nümayəndə heyətinin üzvləri, həmçinin Ermənistanın şəhərin işğalı dövründə törətdiyi cinayətlərin və vandalizm aktlarının nəticələri ilə tanış olublar. Onlara həmçinin Azərbaycanın mədəni və tarixi abidələrinin məhv edilməsi ilə bağlı faktlar nümayiş etdirilib.
Daha çox foto burada:: PhotoStock.az
Azərbaycanda akkreditə olunmuş diplomatların, o cümlədən hərbi attaşelərin və beynəlxalq təşkilatların nümayəndələrinin daxil olduğu nümayəndə heyəti Şuşa şəhərində tarixi Mehmandarovların evini ziyarət edib.
Oxu.Az "Report"a istinadən xəbər verir ki, qonaqlar XVIII əsrə aid malikanənin memarlıq ansamblı ilə tanış olublar.
Ermənistanın işğalı dövründə hamam da daxil olmaqla binaların böyük hissəsi dağıdılmışdı. Mehmandarovların kiçik evi uzun illər baxımsız qalmışdı.
Şuşa şəhəri azad edildikdən sonra Azərbaycan bərpa işləri apararaq malikanənin tarixi görünüşünü yenidən canlandırıb.
Daha çox foto burada: PhotoStock.az
Azərbaycanda akkreditə olunmuş diplomatlar, hərbi attaşelər və beynəlxalq təşkilatların rəhbərlərindən ibarət nümayəndə heyəti Şuşada yaşayış kompleksində olub.
Oxu.Az "Report"a istinadən xəbər verir ki, qonaqlar Şuşaya qayıdan sakinlərin yaşayış şəraiti ilə tanış olublar.
Qeyd edək ki, Şuşada ilk yaşayış kompleksinin açılışı 2024-cü il mayın 10-da olub.
Daha çox foto burada: PhotoStock.az
Azərbaycanda akkreditə olunmuş diplomatlar, o cümlədən hərbi attaşelər və beynəlxalq təşkilatların rəhbərlərindən ibarət nümayəndə heyəti Şuşada Azərbaycanın görkəmli opera müğənnisi, musiqişünas və folklorşünas Bülbülün ev-muzeyini ziyarət edib.
Oxu.Az "Report"a istinadən xəbər verir ki, qonaqlara Bülbülün həyat və yaradıcılığı haqqında məlumat verilib.
Xarici diplomatlar uzun illər davam etmiş erməni işğalından sonra bərpa edilmiş muzeyi öz gözləri ilə görmək imkanı əldə ediblər.
Şuşada Bülbülün ev-muzeyi 2021-ci il avqustun 29-da bərpa edilib. Bərpa zamanı bütün yükdaşıyıcı divarların bünövrəsi möhkəmləndirilib, çat olan divar hissələrində yenidənqurma işləri aparılıb, binanın tarixi görkəmini qorumaq şərti ilə yenisi ilə əvəz edilib.
Daha çox foto burada: PhotoStock.az
Azərbaycanda akkreditə olunmuş diplomatlar və hərbi attaşelərdən ibarət nümayəndə heyəti Şuşada Qarabağ küçəsində olublar.
Oxu.Az "Report"a istinadən xəbər verir ki, diplomatlara şəhərin tarixi və erməni işğalına son qoyulmasından sonra aparılan bərpa işləri barədə məlumat verilib.
Səfər zamanı nümayəndə heyəti şəhərin necə dəyişdiyinin şahidi olub və yenidənqurma işlərinin miqyası haqqında məlumat əldə edib.
Xarici diplomatlar Qarabağ küçəsində pic.twitter.com/Eik4cHUaxi
— Oxu.Az (@oxuaz) June 21, 2025
Daha çox foto burada: PhotoStock.az
Azərbaycanda akkreditə olunmuş diplomatlar, o cümlədən hərbi attaşelər və beynəlxalq təşkilatların rəhbərlərindən ibarət nümayəndə heyəti Şuşada Üzeyir Hacıbəyovun ev-muzeyini ziyarət edib.
Oxu.Az "Report"a istinadən xəbər verir ki, qonaqlara görkəmli Azərbaycan bəstəkarının həyatı və yaradıcılığı haqqında məlumat verilib.
Xarici diplomatlar Üzeyir Hacıbəylinin ev muzeyində#ÜzeyirHacıbəyli pic.twitter.com/U65w73DWqn
— Oxu.Az (@oxuaz) June 21, 2025
Daha çox foto burada: PhotoStock.az
Azərbaycanda akkreditə olunmuş diplomatlardan, o cümlədən hərbi attaşelərdən və beynəlxalq təşkilatların rəhbərlərindən ibarət nümayəndə heyəti şənbə günü Şuşa şəhərinə gedib.
Oxu.Az "Report"a istinadən xəbər verir ki, nümayəndə heyəti şəhərdə aparılan bərpa işlərinin gedişi ilə tanış olacaq.
Bundan əlavə, onlar şəhərin tarixi ilə tanış ola və işğal dövründə Şuşada törədilmiş dağıntıları öz gözləri ilə görə biləcəklər.
