11 
Fev
2019
15:57
186
52
20773
Virtual karabakh

Azərbaycanda telekanal bağlandı

11 Fev, 2019
15:57
20773

Azərbaycanda telekanal bağlandı

Bizim WhatsApp kanalımıza buradan abunə ola bilərsiniz

Bu gün səhər saatlarından etibarən “ARB Ulduz”un peyk vasitəsilə yayımı dayandırılıb.

Bu barədə Oxu.Az-a “ARB Media Qrup”un mətbuat xidmətinin rəhbəri Ozal İbrahimli məlumat verib.

Onun sözlərinə görə, “ARB Ulduz” telekanalının peyk vasitəsilə yayımının birdəfəlik dayandırılması barədə qərar qəbul edilib. Buna “ARB Ulduz”un ölkənin reklam bazarında özünü tam maliyyələşdirəcək qədər gəlir əldə edə bilməməsi səbəb olub.

“Təəssüf ki, ölkəmizdə tematik televiziyalar reklam bazarından kifayət qədər vəsait əldə edə bilmirlər. Musiqi yönümlü tematik kanal olan “ARB Ulduz” da reklam bazarının oyunçularından birinə çevrilə bilmədi.

“ARB Media Qrup”a daxil olan digər tematik kanal olan “ARB Günəş”in taleyi barədə də danışan Ozal İbrahimli bildirib ki, “ARB Günəş” Azərbaycanın ilk və yeganə tematik uşaq kanalıdır. 

Azərbaycan dilində yayımlanan uşaq telekanalının nə dərəcədə vacib bir iş olduğunu nəzərə alaraq, “ARB Media Qrup” daxili imkanlar hesabına kanalın yayımını davam etdirməyi düşünür.

İlhamə Rəsulova

Bizimlə əlaqə saxlayın

Digər Cəmiyyət xəbərləri