Prezidentin köməkçisi sosial şəbəkələrdə operativ qərargahla bağlı videolardan danışdı: “İstedadlı uşaqlardır”

“Həkimlər ön cəbhədə mübarizə aparan qəhrəmanlardır. Onların əməyi yüksək qiymətləndirilir. Hələ müharibə bitməyib”.

Oxu.Az-ın məlumatına görə, bunu Nazirlər Kabineti yanında operativ qərargahın keçirdiyi mətbuat konfransında Azərbaycan Prezidentinin İqtisadi məsələlər üzrə köməkçisi Şahmar Mövsümov bildirib.

O qeyd edib ki, müharibə bitəndən sonra kimə hansı formada təltifin düşməsi müzakirə olunacaq:

“Burada ictimaiyyətin də rolu vacibdir. Son zamanlar internetdə operativ qərargah haqqında kliplər yaranıb. Onlar həddindən artıq istedadlı uşaqlardır. Olmazdı ki, onlar istedadını başqa yerə yönəldib, həkimlər haqqında sosial çarxlar hazırlasınlar?!”

İlhamə Əbülfət