Sen
2020
20:20
21
90
3853
Virtual karabakh

TN şöbə müdiri məktəblərdə şagird sıxlığının azaldılması üçün seçilən istiqamətlərdən danışdı

Xüsusi karantin dövründə məktəblərdə şagird sıxlığının azaldılması üçün üç istiqamət seçilib.

Bu sözləri “Təhsil TV”nin efirində çıxış edən Təhsil Nazirliyinin şöbə müdiri Vəfa Yaqublu deyib.

O bildirib ki, birinci istiqamət sinif komplektlərin məktəbə müxtəlif günlərdə gəlməsidir:

“Əgər şərti olaraq söhbət region məktəblərindən gedirsə, orada şənbə günlərinin də dərs günü kimi keçirilməsini təklif edirik. Belə olan halda siniflərin yarısı həftənin 3 günü, digəri isə o biri 3 günü dərsə gəlir. Bununla da məktəbdə şagirdlərin sayı iki dəfə azalır”.

V.Yaqublu məktəblərin növbəli dərs rejiminə keçmələrini tövsiyə edib: “Məktəblə yanaşı sinifdaxili sıxlıqla bağlı problemimiz var. Bu da ondan ibarətdir ki, sinif otağında 1,5 metrlik məsafə mütləq qorunmalıdır. Bu məqsədlə uyğunlaşdırılmış tədris planına dair qeydlərdə göstərilib ki, sinifdə şagird sıxlığı 1,5 metrlik məsafəni qorumağa imkan vermədiyi halda, sinif qruplara bölünür. Bu qruplar üçün isə ayrı dərs cədvəli hazırlanır. Belə olan halda biz dərs cədvəlini, məsələn, 5a sinfi üçün yox, həmin sinfin birinci və ikinci yarımqrupları üçün hazırlayırıq. Bu isə məktəbin dərs planı hazırlama prinsipindən asılı olaraq, eyni günün müxtəlif növbələrində də ola bilər, müxtəlif günün müxtəlif saatlarında da ola bilər”.

Könül Cəfərli

Bizimlə əlaqə saxlayın

Digər Cəmiyyət xəbərləri