11 
Noy
2021
14:36
23
590
8660
Virtual karabakh

Güclü külək şəhid məzarlarını aşırdı: Qurumlar hərəkətə keçdi - FOTO/VİDEO

11 Noy, 2021
14:36
8660

Güclü külək şəhid məzarlarını aşırdı: Qurumlar hərəkətə keçdi - FOTO/VİDEO

Bizim WhatsApp kanalımıza buradan abunə ola bilərsiniz

Suraxanı rayonunda yerləşən Dədə Qorqud qəbiristanlığında iki şəhid məzarının başdaşı sınaraq yararsız vəziyyətə düşüb.

Oxu.Az xəbər verir ki, bu barədə məlumat sosial şəbəkələrdə paylaşılıb.

Məzar daşlarının güclü küləyin təsirindən aşdığı deyilir.

Məsələ ilə bağlı daha dəqiq məlumat öyrənmək üçün kiçik araşdırma apardıq. Əldə etdiyimiz məlumata görə, aşan məzarlardan biri Xətai, digəri isə Nərimanov rayonunda qeydiyyatda olmuş şəhidlərə aiddir. 

Nərimanov və Xətai rayon icra hakimiyyətlərindən Oxu.Az-a verilən məlumata görə, məlum hadisə güclü küləyin səbəbindən axşam saatlarında baş verib.

Bildirilib ki, hadisə barədə daxil olan məlumat əsasında dərhal əraziyə baxış keçirilib və şəhid ailələrinə bununla bağlı məlumat verilib. 

Hazırda ərazidə aidiyyəti üzrə hər iki icra hakimiyyətinin əməkdaşları tərəfindən işlər gedir. Şəhidlərin məzar daşlarının yenisi ilə əvəzlənməsi üçün artıq yeni məzar daşları da sifariş verilib. 

Könül Cəfərli

Bizimlə əlaqə saxlayın

Digər Cəmiyyət xəbərləri