"Rus evi" teqi üzrə xəbərlər
Rus evi (Bakıdakı Rusiya İnformasiya və Mədəniyyət Mərkəzi) 3 iyul 1997-ci ildə "Rusiya Federasiyası Hökuməti ilə Azərbaycan Respublikası Hökuməti arasında informasiya-mədəniyyət mərkəzlərinin təsis edilməsi və fəaliyyət şərtləri haqqında Saziş" əsasında təsis edilib və Müstəqil Dövlətlər Birliyinin İşləri, Xaricdə Yaşayan Həmvətənlər və Beynəlxalq Humanitar Əməkdaşlıq üzrə Federal Agentliyin (Rossotrudniçestvo) maraqlarını təmsil edir.
Nümayəndəliyin əsas fəaliyyət istiqamətlərinə Rusiya mədəniyyəti, elmi və təhsilinin təbliği, rus dilinin mövqeyinin möhkəmləndirilməsi, həmvətənlərin dəstəklənməsi, gənclər layihələri, beynəlxalq inkişafa dəstək, tarixi-memorial fəaliyyət daxildir.
Rusiya tərəfi "Rossotrudniçestvo"nun nümayəndəliyinin - Rusiya İnformasiya və Mədəniyyət Mərkəzinin ("Rus evi") Azərbaycan Respublikasında (AR) hüquqi şəxs kimi qeydiyyatdan keçməməsi və təşkilatın Azərbaycan qanunvericiliyini ciddi şəkildə pozması barədə məlumatlandırıldıqdan sonra, 3 fevral 2025-ci ildə Rusiya tərəfinə "Rus evi"nin fəaliyyətinin dayandırılması barədə nota göndərilib.
11 fevral 2025-ci ildə Azərbaycan Respublikası Xarici İşlər Nazirliyinin tələbi ilə əlaqədar olaraq Rossotrudniçestvonun nümayəndəliyi - Bakıdakı "Rus evi" öz fəaliyyətinin dayandırılması üzrə tədbirlər görür.
