Dünyada 9 909 965 nəfərdə koronavirus aşkarlanıb.
Bu barədə Oxu.Az-ın onlayn statistikasında qeyd edilir.
Virusa yoluxan 496 991 xəstə ölüb, 5 360 766 nəfər sağalıb.
Qitələr arasında koronavirusa ən çox yoluxma (2 976 481 nəfər) Şimali Amerikada, ölkələr arasında ABŞ-da (2 552 956 nəfər) müşahidə edilir.
Azərbaycanın sərhəd qonşusu olan Rusiya 620 794 yoluxma halı ilə ölkələr arasında üçüncü, İran 217 724 yoluxma ilə 10-cu, Türkiyə 194 511 yoluxma ilə 13-cü, Ermənistan 23 247 yoluxma ilə 49-cu, Gürcüstan 919 yoluxma ilə 134-cü sıradadır.
Azərbaycan bu siyahıda 15 369 yoluxma sayı ilə 58-cidir. Ölkəmizdə koronavirusa yoluxanların 8 364 nəfəri sağalıb, 187 nəfəri vəfat edib.
