Mütəxəssisdən xəbərdarlıq: “Koronavirusun yeni variantına vaksin kömək etməyə bilər”

Koronavirusun yeni variantı “pirola” vaksindən yayına bilər.

Bu barədə türkiyəli məşhur həkim-infeksionist, yoluxucu xəstəliklər və klinik mikrobiologiya mütəxəssisi Ümit Savaşçı xəbərdarlıq edib.

O, “pirola”nın hazırda dünyada “eris” variantı qədər olmasa da, sürətlə yayıldığını bildirib.

“Laboratoriya araşdırmaları virusun peyvənddən yayına biləcəyini göstərən simptomlar tapıb. Orqanizm onu fərqli bir virus kimi qəbul edə bilər”, - deyə mütəxəssis bildirib.

Bu səbəbdən həkim ehtiyat tədbirlərinə riayət etməyi və vaxtında mütəxəssisə müraciət etməyi məsləhət görüb.

Mənbə: Haber Global