Premyer Liqa: "Səbail" - "Sabah" oyununda qalib müəyyənləşməyib

Misli Premyer Liqasının XXIII turunun bağlanış oyununda - "Səbail" və "Sabah" komandaları arasında baş tutan matçda qalib müəyyənləşməyib.

Oxu.Az xəbər verir ki, "ASCO Arena"da keçirilən görüşdə qapılara qol vurulmayıb.

17 xalı olan "dənizçilər" turnir cədvəlinin sonuncu - 10-cu pilləsində qərarlaşıb. "Sabah" isə 32 xalla beşincidir.

Qeyd edək ki, turun daha əvvəl keçirilən görüşlərində "Turan Tovuz" "Araz Naxçıvanı", "Qarabağ" "Neftçi"ni 1:0 hesabı ilə üstələyib. "Sumqayıt" isə evdə "Zirə"yə məğlub olub - 0:3. "Kəpəz" - "Şamaxı" qarşılaşması isə heç heçə bitib - 1:1.

18:20

Misli Premyer Liqasının XXIII turunda "Kəpəz" "Şamaxı" ilə heç-heçəyə razılaşıb.

Oxu.Az xəbər verir ki, Tovuz şəhər stadionunda baş tutan matçda tərəflər hərəyə 1 dəfə fərqləniblər.

Hesabı 49-cu dəqiqədə qonaq komandanın heyətində penalti zərbəsindən Brahim Konate açıb. 5 dəqiqə sonra qarşılaşmanın yekun nəticəsini müəyyənləşdirən qol vurulub. Rüfət Abbasovun avtoqolu gəncəlilərə 1 xal qazandırıb.

"Kəpəz" 19 xalla 9-cu yerdə qərarlaşıb. Bir pillə yuxarıda olan "Şamaxı"nın 21 xalı var.

Turun son matçı "ASCO Arena"da "Səbail"lə "Sabah" arasında baş tutacaq. Saat 19:00-da start götürəcək görüşü Rəşad Əhmədov idarə edəcək.

Qeyd edək ki, turun daha əvvəl keçirilən görüşlərində "Turan Tovuz" "Araz Naxçıvan"ı, "Qarabağ" "Neftçi"ni 1:0 hesabı ilə üstələyib. "Sumqayıt" isə evdə "Zirə"yə məğlub olub - 0:3.

09:08

Bu gün Misli Premyer Liqasında XXIII tura keçiriləcək iki görüşlə yekun vurulacaq.

Oxu.Az xəbər verir ki, son oyun günündə "Kəpəz" "Şamaxı"nı saat 16:00-da, "Səbail" isə "Sabah"ı saat 19:00-da qəbul edəcək.

Xatırladaq ki, turun digər oyunlarında "Turan Tovuz" "Araz-Naxçıvan"ı və "Qarabağ" "Neftçi"ni 1:0, "Zirə" "Sumqayıt"ı isə 3:0 hesabı ilə məğlub edib.

Qeyd edək ki, aktivində 56 xalı olan "Qarabağ" turnir cədvəlinin vahid lideridir. "Araz-Naxçıvan" 44 xalla ikinci pillədə qərarlaşıb. "Zirə" 42 xalla ilk üçlüyü qapayır. 4-cü yerdəki "Turan Tovuz"un 39 xalı var. "Sabah" 31 xalla 5-ci, "Neftçi" 24 xalla 6-cıdır. 22 xalı olan "Sumqayıt" turnir cədvəlinin 7-ci pilləsində qərarlaşıb. "Şamaxı" 20 xalla 8-ci, "Kəpəz" isə 18 xalla 9-cudur. 10-cu yerdəki "Səbail"in isə 16 xalı var.

17 fevral

Misli Premyer Liqası

XXIII tur

Saat 16:00, "Kəpəz" - "Şamaxı";

Saat 19:00, "Səbail" - "Sabah".