Ən son xəbərləri bizim "Facebook" səhifəmizdə izləyin

Trampın Səudiyyə Ərəbistanına səfəri və bunun Putinlə əlaqəsi ilə bağlı iddialara aydınlıq gətirildi
"ABŞ Prezidenti Donald Trampın may ayında Səudiyyə Ərəbistanına səfər planları Rusiya lideri Vladimir Putinlə əlaqələrə heç bir aidiyyəti yoxdur".
Oxu.Az-ın məlumatına görə, bu barədə TASS-ın sualına cavab olaraq Rusiya dövlət başçısının mətbuat katibi Dmitri Peskov bildirib.
"Xeyr, bu sırf ABŞ dövlət başçısının planlarıdır, bunun Putinlə heç bir əlaqəsi yoxdur. Putinin hələlik belə planları yoxdur", - deyə Kremlin nümayəndəsi dəqiqləşdirib.
Peskov əlavə edib ki, Rusiya Prezidenti Vladimir Putin və ABŞ lideri Donald Trampın mümkün görüşünün tarixi və vaxtı ilə bağlı dəqiq anlayış hələ yoxdur.
"Moskva və Vaşinqton arasında müxtəlif səviyyələrdə əlaqələr davam edir", - deyə o vurğulayıb.