Ən son xəbərləri bizim "Instagram" səhifəmizdə izləyin

Bakının 9-cu mikrorayonunda işıqforun işləməmə səbəbi nədir?
Bakı şəhəri, 9-cu mikrorayonda, Hüseyn Seyidzadə və Mir Cəlal küçələrinin kəsişməsində işıqforun işləməməsi vətəndaşların şikayətinə səbəb olub.
Onlar bildiriblər ki, işıqforun işləməməsinə görə bir neçə dəfə qəza vəziyyəti yaranıb.
Məsələ ilə bağlı Daxili İşlər Nazirliyinin (DİN) Nəqliyyatı İntellektual İdarəetmə Mərkəzinin (NİİM) mətbuat katibi Ömər Xıdırov Oxu.Az-a açıqlamasında bildirib ki, işıqforun işləməməsinə səbəb onun elektrik enerjisindən qısamüddətli ayrılması olub:
"Ötən gün səhər saatlarında Hüseyn Seyidzadə və Mir Cəlal küçələrinin kəsişməsində işıqforun iş rejiminə dəyişiklik edilməsi ilə bağlı texniki işlər görülüb. Bu səbəbdən işıqfor elektrik enerjisindən qısa müddətə ayrılıb. Elə həmin gün işlər başa çatdırıldıqdan sonra qurğuların fəaliyyəti bərpa olunub və yol hərəkəti iştirakçılarının təhlükəsiz hərəkəti təmin edilib".
Aygün Mirakif
"İşıqfor problemi" teqi üzrə xəbərlər
- Bakıda yük avtomobili ağır qəza törətdi - ANBAAN VİDEO
- Bakıda yol-nəqliyyat hadisəsi olub - İşıqfor yararsız vəziyyətə düşüb
- "Piyada keçidi var, amma yolu keçə bilmirik" - ŞİKAYƏT
- Sürücülərin DİQQƏTİNƏ: Bakıda bir sıra yollarda işıqforların vaxt planı dəyişdirilib
- Bakıda işıqforun qırmızı işığına məhəl qoymayan avtobus sürücüsü cərimələndi