Ağdamda su əvəzinə bilmədən sirkə turşusu içərək zəhərlənən şəxsin vəziyyəti açıqlanıb.
Bu barədə Oxu.Az-ın sorğusuna cavab olaraq Tibbi Ərazi Bölmələrini İdarəetmə Birliyindən (TƏBİB) məlumat verilib.
Bildirilib ki, iyulun 8-i saat 00:50-də zəhərlənmə şübhəsi ilə 2008-ci il təvəllüdlü şəxs (qadın) Ağdam Rayon Mərkəzi Xəstəxanasının Təcili tibbi yardım şöbəsinə hospitalizasiya olunub:
"Kimyəvi maddədən zəhərlənmə diaqnozu təyin olunan pasiyentə zəruri tibbi xidmətlər göstərilib.
Vəziyyəti ağır olan şəxs daha ixtisaslı tibbi xidmət almaq üçün Kliniki Tibbi Mərkəzin Toksikologiya şöbəsinə təxliyə olunub.
Hazırda onun müalicəsi Reanimasiya şöbəsində davam etdirilir, vəziyyəti ağır qiymətləndirilir".
Qaynar xətt:
(055) 224 12 12
