Astara rayonu ərazisində yerləşən "Ərçivan" qazpaylayıcı stansiyasından Ərçivan qəsəbəsinə qədər uzanan yeraltı qaz kəmərinin kipliyə sınaq edilməsi məqsədilə qaz təchizatında müvəqqəti fasilə planlaşdırılır.
Oxu.Az xəbər verir ki, bu barədə Lənkəran Regional Qaz İstismarı İdarəsi məlumat yayıb.
Bildirilib ki, bu səbəbdən Ərçivan qəsəbəsi, Sərək, Şüvi, Siyətük, Şovaş, Vəznəş, Kijəbə, Lovayın, Ojəkəran, Tüləgivan, Səlivə və Deqədi kəndləri, həmçinin Ərçivan qəsəbəsində yerləşən C.Cabbarlı və H.Aslanov küçələri də daxil olmaqla ümumilikdə 4 800 abonentin təbii qaz təchizatının 18.07.2025 ci il tarixdə saat 10:00-dan müvəqqəti olaraq dayandırılması nəzərdə tutulur.
