27 sentyabr 2020-ci il Azərbaycanın tarixində heç vaxt unudulmayacaq günlərdən biridir. Məhz bu tarixdə Vətən müharibəsi başlayıb və həmin gündən etibarən 44 gün ərzində ordumuz torpaqlarımızı işğaldan azad edib.
Müharibənin gedişatında böyük əməyi olan insanların içərisində elektriklərimiz də yer alırlar. Onlar müharibə ərəfəsində müxtəlif istiqamətlərdə elektrik xətlərinin çəkilişində iştirak ediblər.
Bu dəfə həmin günə tarixi anları yaşayan elektriklərin gözü ilə baxdıq.
Oxu.Az müharibə ərəfəsində Qarabağda elektrik xətlərinin çəkilişində iştirak edən Xankəndi Elektrik Şəbəkəsinin ustası Duman Atayevlə həmsöhbət olub.
Müsahibimiz bildirib ki, Qarabağda ərazilər müxtəlif istiqamətlərdən atəşə tutulduğu üçün elektrikdə kəsintilər yaşanırdı. Onlar bu kəsintilərin qarşısını almaq və ərazilərin fasiləsiz elektrik ilə təmin etmək xidmətlərini yerinə yetiriblər.
Duman Atayev həmişə Horadizi görməyi arzuladığını qeyd edib.
Xidməti vəzifəsini yerinə yetirərkən yaralanan elektrik kəllə-beyin travması almasına baxmayaraq, səhhəti düzələn kimi yenidən işinin başına qayıdıb.
O, müharibə ərəfəsində xidmət göstərən zaman yaşadığı çətinliklərdən də bəhs edib:
"Biz yoxlanılmamış minalı ərazilərə girib işıq verilişini bərpa etmişik. Allaha pənah irəliləmişik. Evindən çıxırsan, gedirsən, amma nə olacağını bilmirsən. Həmin günləri mən elə işləmişəm".
Ətraflı videomüsahibəni təqdim edirik:
