Bakıda doqquz qaşıq udaraq xəstəxanaya müraciət edən şəxsə endoskopik müdaxilə dörd saat davam edib.
Bu barədə Oxu.Az-a Bakı Sağlamlıq Mərkəzindən məlumat verilib.
Tibb mərkəzindən verilən məlumata görə, 55 yaşlı (kişi cinsli) pasiyentin bu hərəkətinin psixi vəziyyəti ilə əlaqədar olduğu ehtimal edilir.
Hazırda pasiyentin müalicəsi reanimasiya şöbəsində davam etdirilir, vəziyyəti stabildir.
Aygün Mirakif
Bakıda bir nəfər doqquz ədəd qaşıq udub.
Oxu.Az Modern.az-a istinadla xəbər verir ki, saat 01:00-də Sabunçu Tibb Mərkəzinə təcili tibbi yardım üçün müraciət olunub.
İlkin məlumata görə, bir nəfərin bir neçə metal qaşıq udduğu bildirilib. Lakin xəstə bir neçə tibb müəssisəsi tərəfindən qəbul edilməyib.
Nəhayət, Bakı Sağlamlıq Mərkəzinə çatdırılan pasiyentə dərhal tibbi müdaxilə olunub. Məlumata görə, xəstə 9 ədəd metal qaşığı udub. Həkimlər tərəfindən həyata keçirilən əməliyyat uğurla başa çatıb.
Hazırda pasiyentin vəziyyəti stabildir və reanimasiya şöbəsində nəzarətdə saxlanılır.
