Bakıda 44 yaşlı kişi qətlə yetirilib, şübhəli şəxs qismində onun 19 yaşlı oğlu saxlanılıb.
Oxu.Az Xəzər TV-yə istinadən xəbər verir ki, hadisə gecə saatlarında Sabunçu rayonu, Ramana qəsəbəsinin "Gülçülük sovxozu" adlanan ərazisində baş verib.
Hüquq-mühafizə orqanlarına daxil olan məlumata görə, 44 yaşlı İftixar Vəlizadə yaşadığı evdə kəsici alətlə qətlə yetirilib. Dərhal istintaq qrupu hadisə yerinə gələrək araşdırmalara başlayıb.
19 yaşlı Ayxan Vəlizadə hadisə yerindəcə şübhəli şəxs qismində saxlanılıb. Qonşular bildiriblər ki, ailə həmin evi bir neçə ay əvvəl alıb. Digər qonşularla yaxın münasibətləri olmasa da, ailənin sakit olduğu qeyd olunur.
Qonşuların sözlərinə görə, mərhum İftixar Vəlizadə kombi ustası kimi çalışıb. Faktla bağlı cinayət işi başlanıb, istintaq davam edir.
Mövzu ilə bağlı daha ətraflı videomaterialı təqdim edirik:
