Bakıya enən təyyarədə qeyri-etik davranışlar sərgiləyən sərnişinin görüntüləri

Bakıya məcburi eniş edən Dubay-Moskva təyyarəsində qeyri-etik davranışlar sərgiləyən sərnişin Roman Paxomovun görüntüləri yayılıb.

Oxu.Az-ın verdiyi məlumata görə, kadrları "BAZA" "Telegram" kanalı paylaşıb.

Bildirilir ki, R.Paxomov kabinəyə girəndə ayıq və sakit olub. Sonradan məlum olub ki, o, özü ilə spirtli içki gətirib və uçuş zamanı içib.

Şahidlərin sözlərinə görə, bundan sonra o qışqırıb, işçiləri təpikləyib. Paxomovu birtəhər saxlamaq mümkün olsa da, dopinq təsiri altında olan təxribatçı plastik qandalları və yapışqan lenti qırıb, bundan sonra əlləri ilə illüminatoru döyəcləməyə başlayıb.

Nəticədə pilotlar təyyarəni Bakıda yerə endirməyi qərara alıblar.

Roman özünə gələndə heç nəyi xatırlamadığını etiraf edib.

11:04

Dünən axşam Dubay-Moskva reysi ilə uçan təyyarə Heydər Əliyev Beynəlxalq Aeroportunda məcburi eniş edib.

Bu barədə "APA-Economics"ə Heydər Əliyev Beynəlxalq Aeroportundan bildirilib.

Məlumata görə, məcburi enişin səbəbi sərnişinlərdən birinin özünü etik qaydalara uyğun aparmaması olub.

28 dekabr, 00:52

Birləşmiş Ərəb Əmirliklərinin Dubay şəhərindən Rusiya paytaxtı Moskvaya uçan təyyarə təcili Bakıya eniş edib.

Oxu.Az xəbər verir ki, bu barədə "Flightradar24" portalı məlumat yayıb.

Təyyarənin hansı səbəbdən Bakıya eniş etdiyi barədə məlumat verilməyib.

Qeyd edək ki, bu gün "Flydubai" aviaşirkəti yanvarın 2 və 3-dək Dubaydan Mineralnıye Vodı və Soçiyə reysləri təxirə salıb.