Sumqayıt şəhəri Hacı Zeynalabdin qəsəbəsində 2 500 abonentin qaz təchizatında fasilə yaranacaq.
Oxu.Az xəbər verir ki, bu barədə "Azəriqaz" İstehsalat Birliyinin (İB) Sumqayıt Qaz İstismar Sahəsi (QİS) məlumat yayıb.
Bildirilib ki, fevralın 10-da qəsəbənin "Gecəqondu" adlanan ərazisində diametri 159 mm olan yeraltı qaz xəttində aşkarlanan sızmaların aradan qaldırılması məqsədilə saat 13:00-dan etibarən təmir-bərpa işləri aparılacaq.
İşlərin davam etdiyi müddətdə ərazidəki 2 500 abonentin qaz təchizatı dayandırılacaq. Qazın verilişi işlər başa çatdıqdan sonra bərpa ediləcək.
