Azərbaycan Həmkarlar İttifaqları Konfederasiyasında (AHİK) yeni təyinat olub.
Modern.az-ın əldə etdiyi məlumata görə, AHİK sədrinə yeni müşavir təyin edilib.
Qeyd olunur ki, bu vəzifəyə Cəmaləddin Quliyev gətirilib. O, bundan əvvəl Əmək və Əhalinin Sosial Müdafiəsi Nazirliyi (ƏƏSMN) tabeliyində fəaliyyət göstərən Dövlət Məşğulluq Agentliyinin İdarə Heyəti sədrinin müavini vəzifəsində çalışıb.
Xatırladaq ki, avqustun 26-da AHİK-in növbədənkənar VII qurultayı keçirilib. Qurultayda iqtisadiyyat nazirinin müavini Sahib Məmmədov AHİK-in sədri seçilib.
Rəylər