İrandan təxliyə edilmiş rusiyalı musiqiçilər Azərbaycanda konsert verəcəklər

"Çaykovski adına simfonik orkestrin bütün musiqiçiləri İrandan Azərbaycana təxliyə edilib".

Oxu.Az xəbər verir ki, bu barədə Rusiyanın mədəniyyət naziri Olqa Lyubimova "Telegram" kanalında məlumat verib.

Lyubimovanın sözlərinə görə, sərhədi keçməyə kömək edənlər arasında diplomatlar, Rusiyanın Tehran və Bakıdakı səfirliklərinin əməkdaşları, həmçinin Azərbaycan və İran rəsmiləri də olub.

"Belə çətin vəziyyətdə köməyə görə minnətdarlıq əlaməti olaraq Bakıda konsert vermək qərarına gəldik. Tədbir iyunun 16-da Azərbaycan Dövlət Filarmoniyasında baş tutacaq", - o, bildirib.