Koronavirus Azərbaycanda YENİDƏN canlanacaq?

Son günlər Azərbaycanda koronavirusa tək-tək yoluxma halları müşahidə edilir. Bu da virusla bağlı təhlükənin olub-olmayacağını yenidən beyinlərdə sual işarəsi kimi formalaşdırır.

Bəs görəsən, hazırda vəziyyət necədir? Pandemiya təhlükəsi varmı?

Səhiyyə Nazirliyinin mütəxəssis-eksperti infeksionist Təyyar Eyvazov mövzu ilə bağlı Oxu.Az-a danışıb.

O qeyd edib ki, Azərbaycanda tək-tək yoluxma halları var, lakin əvvəlki aylarda olduğu kimi, vəziyyət kifayət qədər qənaətbəxşdir:

Koronavirus Azərbaycanda YENİDƏN canlanacaq?

"Epidemioloji cəhətdən vəziyyət stabildir. Xəstəlik, adətən, yüngül keçir və əksər hallarda fəsad törətmir, qısa müddət ərzində tam sağalma ilə bitir. İnfeksiya sayının az olmasına baxmayaraq, əgər yoluxan şəxs risk qrupuna daxildirsə, bəzi hallarda hospitalizasiya tələb oluna bilər, lakin belə halların rast gəlməsi çox azdır. Buna səbəb əhali arasında artıq müxtəlif yollarla kütləvi immunitetin formalaşmasıdır. Bu, infeksiyanın gələcək aylarda yayılması barədə nikbin proqnozları verməyi əsaslandırır".

Məhərrəm Əliyev