Maraqlı rəqsi ilə gündəmə gələn baba: "Hələ belə gözəl gün görməmişdim"

Bakıda Zəfər Günü münasibətilə təşkil olunan yürüşdə hərbi marşı maraqlı rəqsi ilə müşayiət edən Arif Mustafayev təəssüratını bölüşüb.

O, Oxu.Az-a açıqlamasında bildirib ki, Zəfər Gününü hər il xüsusi şövqlə qeyd edir.

"68 yaşım var, hələ belə gözəl gün görməmişdim. Ali Baş Komandan başda olmaqla şəhidlərimiz və qazilərimizə təşəkkür edirəm ki, 30 illik həsrətə son qoydular. Bu tarix əbədidir, bizə məxsusdur, unudulmazdır", - deyə A.Mustafayev qeyd edib.

Məhərrəm Əliyev