Nazir xanımları lazımsız plastik əməliyyatlardan uzaq tutmaq üçün çağırış etdi

"İnsanlara süni və yanlış gözəllik standartları təlqin edilir".

Bunu səhiyyə naziri Teymur Musayev jurnalistlərə açıqlamasında deyib.

O qeyd edib ki, gözəllik standartları insanlara uşaq yaşlarından oyuncaqlar vasitəsilə təqdim olunur:

"Daha sonra insan yeniyetməlik yaşına çatanda heç bir qüsuru olmasa belə, xarici görünüşünü bəyənmir".

Nazir sağlam, qüsursuz insanları lazımsız, ziyanlı prosedurlardan uzaq durmağa çağırıb:

"Tələb təklif doğurur. Tələb elə formalaşmalıdır ki, insanlar hansısa bədbəxt hadisə nəticəsində yaranmış qüsura görə plastik əməliyyat etdirsinlər. Ona görə də jurnalistlərə müraciət edirəm ki, maarifləndirmə işlərində birlikdə çalışaq".

Daha ətraflı Baku TV-nin süjetində:

Nazir xanımları lazımsız plastik əməliyyatlardan uzaq tutmaq üçün çağırış etdi