Prokurorluqda istintaqa nəzarət idarəsinin rəisi: "Bağlı qalan qəsdən adam öldürmə faktı yoxdur"

"Qəsdən adam öldürmə cinayətlərinin sayında azalma müşahidə olunur".

Oxu.Az xəbər verir ki, Baş Prokurorluğun Prokurorluqda istintaqa nəzarət idarəsinin rəisi Fazil Həsənəliyev Baş Prokurorluğun "Instagram" sosial şəbəkəsindəki səhifəsində canlı yayımda deyib.

"Bu ilin birinci yarımili başa çatmaq üzrədir və bu müddət ərzində bağlı qalan qəsdən adam öldürmə faktı yoxdur. Əgər 2024-cü ilin ilk altı ayı ərzində 63 qəsdən adam öldürmə cinayəti törədilmişdisə, 2025-ci ilin bu gününə olan məlumata görə, bu rəqəm 49-dur. Bu isə o deməkdir ki, qəsdən adam öldürmə cinayətlərinin sayının azalması, həmin cinayəti törətmiş şəxslərin ifşa olunaraq məsuliyyətə cəlb olunmasının isə artımı müşahidə olunur", - deyə F.Həsənəliyev bildirib.

Əzizə İsmayılova