Ən son xəbərləri bizim "Facebook" səhifəmizdə izləyin

Qubada ağır qəzada iki bacı həlak oldu - TƏFƏRRÜAT
Qubada baş verən yol-nəqliyyat hadisəsində ölən və yaralıların adları məlum olub.
Oxu.Az "Report"a istinadən xəbər verir ki, Bakı-Quba-Rusiya Federasiyası ilə dövlət sərhədi avtomobil yolunun Quba rayonu Qaraçay kəndi ərazisindən keçən hissəsində "Hyundai" və "Opel" markalı minik avtomobillərinin toqquşması nəticəsində 1972-ci il təvəllüdlü Ədalət Tofiq qızı Baxışova və onun bacısı 1974-cü il təvəllüdlü Validə Tofiq qızı Dənyarova hadisə yerində ölüblər.
Qəza zamanı müxtəlif dərəcəli bədən xəsarətləri alan 1995-ci il təvəllüdlü Taleh Sərkərov və 1970-ci il təvəllüdlü Rahim Baxışov ağır vəziyyətdə Quba Rayon Mərkəzi Xəstəxanasına yerləşdiriliblər.
Faktla bağlı araşdırma aparılır.

Quba rayonu, Nügədi-Qazmalar yolunun 8-ci kilometrliyində ağır yol-nəqliyyat hadisəsi baş verib.
Bu barədə Oxu.Az-a Fövqəladə Hallar Nazirliyindən (FHN) bildiriblər.
Qeyd olunub ki, Nazirliyin "112" qaynar telefon xəttinə Quba rayonunda yol-nəqliyyat hadisəsinin baş verməsi və vətəndaşın avtomobildə sıxılı vəziyyətdə qalması barədə məlumat daxil olub.
Məlumatla əlaqədar dərhal FHN-in Dövlət Yanğından Mühafizə Xidmətinin Quba rayon Yanğından Mühafizə Hissəsinin yanğınsöndürən-xilasediciləri əraziyə cəlb olunublar.
Hadisə yerində əməliyyat şəraiti qiymətləndirilərkən müəyyən olunub ki, "Opel" markalı minik avtomobili ilə "Hyundai" markalı minik avtomobilinin toqquşması nəticəsində qəza baş verib və "Opel" markalı minik avtomobilinin sürücüsü deformasiyaya uğramış avtomobildə sıxılı vəziyyətdə qalıb.
Yanğınsöndürən-xilasedicilər xüsusi vasitələrin köməyi ilə avtomobildə sıxılı vəziyyətdə qalan sürücü, 1970-ci il təvəllüdlü Ramin Sədr oğlu Baxışovu xilas edərək təcili tibbi yardım briqadasına təhvil veriblər.
Qəza nəticəsində iki nəfər vəfat edib.
Hadisə ilə əlaqədar müvafiq qurumlar tərəfindən təhqiqat aparılır.
Qubada iki nəfərin ölümü ilə nəticələnən ağır yol-nəqliyyat hadisəsi baş verib.
Oxu.Az xəbər verir ki, qəza Bakı-Quba yolunun Quba rayonu Qaraçay kəndi ərazisindən keçən hissəsində qeydə alınıb.
"Hyundai" və "Opel" markalı minik avtomobillərinin toqquşması nəticəsində iki nəfər ölüb, iki nəfər yaralanıb. Ölənlərin hər ikisi qadındır.
Yaralılar Quba Rayon Mərkəzi Xəstəxanasına çatdırılıblar.
Faktla bağlı araşdırma aparılır.
"Yol-nəqliyyat hadisəsi" teqi üzrə xəbərlər
- Bakının mərkəzində ZƏNCİRVARİ QƏZA: Avtobus "Prado"ya çırpıldı
- Şəki-Oğuz avtomobil yolunda ağır qəzaya düşənlərin SON VƏZİYYƏTLƏRİ açıqlandı
- Ağdam-Füzuli yolunda mikroavtobus aşdı: Qeyri-qanuni sərnişin daşıyırmış
- Sərxoş sürücünün idarə etdiyi avtomobil kanala AŞDI
- Şəmkirdə ölümlə nəticələnən avtoqəzada xəsarət alanların vəziyyəti AÇIQLANDI