Səadət Bayramova: "Bölgələrdə kistoz fibrozlu xəstələr çətinliklərlə üzləşirlər"

"Bölgələrdə maarifləndirmə işlərinin aparılmaması, xəstələrə nəzarət edəcək həkimlərin, ələlxüsus da mərkəzin olmaması səbəbindən kistoz fibrozlu xəstələr xeyli çətinliklərlə üzləşirlər".

Oxu.Az xəbər verir ki, bunu "Azərbaycanda Kistoz Fibroz Günü" adlı konfransda çıxışı zamanı Kistik Fibroz Xəstələrinə Yardım İctimai Birliyinin (KİFYİB) sədri Səadət Bayramova deyib.

O bildirib ki, tər testinin aparılmaması, genetik test ödənişlərinin valideynlər tərəfindən qarşılanması, dərman təminatında çətinliklərin yaranması və bəzi dərman preparatlarının hələ də təmin olunmaması, ələlxüsus da vitamin mineral kompleksinin xaricdən alınması, koloritli qidaya olan ehtiyac, nəfəs alətləri, nebulazer və onların aksesuarlarının çatışmazlığı, bəzi analizlərin dövlət tibb müəssisələrində olmaması xəstəliyin aşkarlanmasını ləngidir.

Sədr qeyd edib ki, kistoz fibrozun artımının qarşısının alınması üçün maarifləndirmə, ixtisaslı mütəxəssislərin cəlb olunması, diaqnostik üsulların əlçatanlığı, periental dövrdə diaqnostika, süni mayalanmanın əlçatanlığı, kistoz fibroz mərkəzlərin sayının artırılması vacib amillərdir:

"Kistoz fibroz multidisiplinar xəstəlikdir. O, multidisiplinar yanaşma tələb edir".

Aygün Mirakif