Şəmkirdə yük və minik avtomobilləri toqquşub: Ölənlərin adları məlum oldu

Şəmkirdə ağır qəzada ölən şəxslərin kimlikləri məlum olub.

APA-nın xəbərinə görə, qəzada 1989-cu il təvəllüdlü Elvin Qafarov və 1971-ci il təvəllüldü Şıxəli Abbasov həyatlarının itirib.

10:12

Şəmkirdə ağır yol-nəqliyyat hadisəsi baş verib.

Daxili İşlər Nazirliyinin Mətbuat Xidmətinin Gəncə regional qrupundan "Report"a bildirilib ki, Bakı-Qazax-Gürcüstan sərhədi yolunun Şəmkir rayonundan keçən hissəsində 2000-ci il təvəllüdlü K.Cəfərlinin idarə etdiyi "KamAZ" markalı yük avtomobili 1986-cı il təvəllüdlü Şamo Qafarovun idarə etdiyi VAZ-2106 markalı avtomobillə toqquşub.

Hadisə nəticəsində VAZ-2106-da olan sürücü və sərnişinlərdən biri ölüb, digər sərnişin, 1978-ci il təvəllüdlü, Ağstafa rayon sakini Qorxmaz Şirinov müxtəlif bədən xəsarətləri alaraq xəstəxanaya yerləşdirilib.

Hazırda digər ölən şəxsin kimliyi müəyyənləşdirilir.

Şəmkirdə yük və minik avtomobilləri toqquşub: Ölənlərin adları məlum oldu