İmişli rayon Ağsaqqallar Şurasına sədr seçilib.
Oxu.Az xəbər verir ki, mayın 21-də İmişli rayon Ağsaqqallar Şurasının növbədənkənar yığıncağı keçirilib. Yığıncaqda açıq səsvermə yolu ilə Əməkdar müəllim Ramiz Əmirov sədr seçilib.
Qeyd edək ki, o, 2006-cı ildən İmişli rayon Təhsil Şöbəsinin müdiri vəzifəsində çalışıb. 2018-ci ildə yaş həddi ilə əlaqədar təqaüdə çıxıb. Həmin vaxtdan etibarən İmişli rayon Ağsaqqallar Şurasının üzvü, daha sonra isə şura sədri seçilib. Bir müddətdən sonra onu Saleh Səmədov əvəz edib.
Xatırladaq ki, İmişlidə 9 May tədbirləri zamanı qaldırılan SSRİ bayrağı və "Georgi lenti"nə görə rayonun Ağsaqqallar Şurasının sədri Saleh Səmədov vəzifəsindən kənarlaşdırılıb.
Saleh Səmədovun yerinə müvəqqəti təyin olunan Vahid Tağıyev də mayın 16-da istefa verib.
Aqil Vəlili
