"Gənc yaşlarımda Xocavənddən didərgin düşmüşük, indi sevinə-sevinə öz evimizə qayıdırıq. O vaxt valideynlərimlə çıxmışdıq evimizdən. İndi bacım və qardaşımın ailəsi ilə qayıdıram".
Oxu.Az-ın məlumatına görə, bunu bu gün növbəti köç karvanı ilə Xocavəndə qayıdan keçmiş məcburi köçkün Hicran Abdullayeva deyib.
O bildirib ki, neçə gündür sevincindən ağlayır:
"Doğma yurdumuza qayıdacağımız günü səbrsizliklə gözləyirdik. Şükürlər olsun ki, bu gün bizə qismət oldu. Təəssüf ki, atam və anam bu günü görmədilər. Onlar bu günü bizdən də çox arzulayırdılar. Amma qismət olmadı. Allah Prezidentimizi qorusun, şəhidlərimizə Allahdan rəhmət, qazilərimizə can sağlığı arzulayıram".
Qaynar xətt:
(055) 224 12 12
