Yol ilə birlikdə dibi asfaltlanan ağaclar “azadlığa qovuşdu” - YENİLƏNİB + FOTO/VİDEO

Suraxanı rayonu, Əmircan qəsəbəsi, Hasil Bayramov küçəsində ağacların dibinin asfaltlanması ilə bağlı Yaşıllaşdırma Təsərrüfatı Birliyi açıqlama verib. 

Qurumdan Oxu.Az-ın sorğusuna cavab olaraq bildirib ki, daxil olmuş şikayət xidmətin əməkdaşları tərəfindən araşdırılıb.

Bakı Şəhər Yaşıllaşdırma Təsərrüfatı Birliyinin işçiləri tərəfindən ağacların dibi asfaltdan təmizlənib və onlara aqrotexniki xidmət göstərilib.

Yol ilə birlikdə dibi asfaltlanan ağaclar “azadlığa qovuşdu” - YENİLƏNİB + FOTO/VİDEO

12:20

Suraxanı rayonu, Əmircan qəsəbəsində abadlıq-quruculuq işləri çərçivəsində ağacların dibinə kimi asfalt çəkilib.

Oxu.az xəbər verir ki, bu mənzərəni özündə əks etdirən şəkillər Suraxanı Rayon İcra Hakimiyyətinin rəsmi “Facebook” səhifəsində paylaşılıb.

Qurumun rəsmi məlumatında qeyd olunub ki, asfaltlanma işləri qəsəbənin Hasil Bayramov küçəsində aparılıb.

Məsələ ilə bağlı Ekologiya və Təbii Sərvətlər Nazirliyindən Oxu.Az-a bildirildi ki, məsələ araşdırılacaq və əlavə məlumat veriləcək.

Fotoları təqdim edirik:

Əzizə İsmayılova